Finalizado o prazo para enviar a solución do concurso estes son os
resultados: Participaron, previa inscrición,  un total de 78 persoas.
Enviaron os textos correctamente recompostos e identificados autor e
autora 6 persoas.  Desas 6, tres son socias da as-pg.
Segundo as
bases teñen preferencia e en caso de empate, como é o caso, decídese
por sorteo. Establecemos un sorteo en combinación co sorteo da ONCE e a
gañadora final foi Mercedes Espiño.

 A solución

A autora dun poema é Marica Campo, o poema número 11 do seu libro Pedinche luz prestada

 

Aquilo era música sagrada

e era o teu ritual de
carne e ósos,

de seda azul, de viños
xenerosos,

baixo os dedos da tecla
aloumiñada.

 

A tarde xa estaba
demediada,

enteiros e a medrar os
pulos nosos,

os sons era cadora máis
fermosos

e a melodía doce e
afinada.

 

Polos vitrais entrou unha
luz maina

ateigada de sono e de
tristura

e a música cesou naquela
andaina.

 

Despois fomos das notas na
procura

-moi suavemente como unha
anaina-

pero xa non tiñamos
partitura.

 

O autor do outro poema é Manuel María, o poema é o número 6 do seu libro As lúcidas lúas do outono

 

As xerfas musicais das
deslembranzas,

puras, tremelantes e
lonxanas,

son brancas como o medo,

o silencio, o arrepío e a
morte.

No fondo do noso ser máis
fondo

déixannos, para sempre,

un fondo desasosego
misterioso

que xa non podemos
deslembrar

nin coñecer. E poñen,

na desamparada flor da
nosa vida,

unha beleza lene, leda e
anguriada.